Depression mein fard shadeed afsurdagi aur udaasi mehsoos karta hai, uski neend urr jati hai, bhook khatam ho jati hai jiski wajah sey woh kamzor honay lagta hai. Iss kay elawa zehni dabau (stress) ki wajah sey fard bohut si doosri jismani bimariyon ka shikar ho jata hai. Ab tehqeeq se sabit ho chuka hai kay nafsiyati bimariyon ki sab sey bari wajah zehni dabau (stress) hai. Iss kay elawa 50 ta 80% jismani bimariyon ki wajah bhi zehni dabau hota hai. Iss sey ulcer sey cancer tak ho jata hai. Haqeeqat yeh hai kay ehtelam kay jinsi, zehni aur jismani sehat per koi burey asraat nahin partey.



Iss ki ek aur wajah fard ki tawaqqo (expectation) bhi hai. Insaan jaisi tawaqqo karta hai waisa hi mehsoos karney lagta hai yani waisa hi ho jata hai. Ek American Dr. Norman ney ek dilchasp tajurba kiya, iss tajurbe mein 10 log shamil thay. Inn mein Dr.Norman khud bhi shamil tha. 10 log ek hotel mein ikatthey huey. Dr. Norman ney unn sey poocha kay woh agley saal kis cheez ki tawaqqo kartey hain. Har fard ney apni tawaqqo ek kaghaz per likhi aur inn sab ko alehda alehda envelope mein bund kar diya gaya.


Ek saal ba'ad yeh sab log isi hotel mein ikatthey huey, inn mein ek fard na aaya. Ek ek karke sab kay envelope kholey gaye har fard ney jiski tawaqqa ki thi uss nay taqreeban woh cheez hasil karli thi. Ghair hazir fard ka envelope aakhir mein khola gaya iss mein darj tha ki hamare khandaan mein mardon ki umrain zayada lambi nahin hotiin lehaza mera khayal hai kay mein agley saal tak zinda na rahun ga, aur woh faut ho chuka tha.



Naujawan amooman pehley musht zani shuru kartey hain, phir ehsaas e gunah aur iss kay farzi asrat kay khauf sey Musht zani chor detey hain magar musht zani chortey hi unn ko ehtelam shuru ho jata hai. Phir naujawan ajeeb makhmasey mein phans jatay hain kay musht zani karein to shadeed ehsaas e gunah aur jinsi kamzori ka ehsaas aur musht zani chorein to ehtelam aur phir jismani aur jinsi kamzori ka khauf aur ehsaas.
Reactions:

Post a Comment

 
Top