Tandrust Rehne Ka Tarika Sehat Banane Ke Tarike In Hindi



Aap ne dekha hoga kay gawala apne doodh dene wale janwaro kay liye aisi khorak ki talaash mein rehta hai jis kay khanay se iskay janwar zyada doodh day saken.
Taanga ban apne ghore ko aisi khorak khilata hai jis say isay taqat miley aur wo tez daur sake. Jin kay pass race mein dorne wale ghoray hote hain wo har waqt isi soch mein ghum rehte hain kay wo apne ghoron ko kon c aisi khorak khilaye kay unka ghora race mein sab say aage rahe or jeet jaye.


Aik kabootar baaz aisi khorak ki talaash mein laga rehta hai jis say is kay kabootar ki quwat e parwaaz buland se buland tar ho jaye lekin afsoos kay sath kehna parta hai kay insan ko apni sehat barqarar rakhne or apne aap ko tandrust o tawana rakhne ka khyal kyun nahi aata wo apne liye aisi khorak kuyn muntakhib nahi karta jo isay tawana, aqal mand, taqat war, mukamal sehat banaye aur lambi umar ka baais ho.


Hamain aisi kuraak istemal karni chahiye jo qudarti halat mein ho. Allah ne mukhtalif kisam kay phal or sabziyan peda farmai hain jin kay khanay se na hum sirf apnay pait ki aag bhuja sakte hain balkay kai kisam ki bemarion se mehfooz bhi reh sakte hain. Hum jis qadar zyada sabzian aur phal istamal karen gay humari sehat utni he qabil e rashk hogi aur is kay ilawa khurak mein tawzan ka hona bhi bohat zaroori hai.
Reactions:

Post a Comment

 
Top